著名線上遊戲《League of Legends （英雄聯盟）》開發商Riot Games，早喺2019年就宣布要推出改編動畫《Arcane（奧術）》，可惜製作進度因疫情影響而延誤。各位機迷等咗差唔多3年，近日官方終於公開正式預告，預計11月6日於Netflix獨家上映。

《Arcane（奧術）》背景設定喺科技城市「Piltover（皮爾托福）」以及另一個潛藏喺地底嘅城市「Zaun（佐恩）」，劇情將會圍繞兩位人氣角色Jinx（吉茵珂絲）以及Vi（菲艾）展開，講述兩姊妹嘅起源故事。除此之外，預計Caitlyn（凱特琳）、Viktor（維克特）、Graves（葛雷夫）、Jhin（燼）、Ezreal（伊澤瑞爾）等角色亦會陸續登場。由於遊戲從來都冇提及過原來Jinx同Vi係姊妹關係，加上細致嘅畫風，令唔少機迷都非常期待。官方表示第一季將會有9集，分開三個時間點上架，每次公開三集。

順帶一提，負責今次動畫製作嘅工作室Fortiche，之前就有份製作過《Get Jinxed》、《K/DA 》以及2014/2018年世界賽主題曲MV等等，動畫水準絕對有保證！