對於永無止境嘅BE@RBRICK系列，唔少朋友都會等到一隻非常啱心水嘅先會入手收藏，咁各位太空迷就要留意啦！事關最近MEDICOM TOY就以NASA首個載人太空飛行計劃「Project Mercury（水星計劃）」為主題，推出全新太空人造型BE@RBRICK。

Project Mercury（水星計劃）可以追溯到美蘇冷戰時期，當時美國為咗追上蘇聯嘅太空科技，不惜投入大量資金展開首個載人太空飛行計劃「Project Mercury」，並從110名飛行員當中選出7名太空人（又稱Mercury Seven）執行多次飛行任務。今次嘅BE@RBRICK就係基於當年Mercury Seven所著嘅太空衣設計而成，整體採用銀色為主調，胸口右上方嘅NASA標誌、衣服拉鏈及紋理都逐一還原。

「BE@RBRICK PROJECT MERCURY ASTRONAUT」共有1000%、400%及100%三種尺寸，1000%尺寸售價為74,800日元（約$5,270港幣）；400%及100%尺寸會以組合套裝形式發售，售價為16,500日元（約$1,160港幣），預計2022年3月發售。