{ SKIP }
文:MenClub 摯樂  圖:互聯網
POSTED ON 05 Oct 2021
【科學】英國牛津大學證實食便秘藥「Resolor」有助增強記憶提升思考能力

如果你有朋友個腦塞塞地記憶力差思考力弱,建議你可以買隻便秘藥「力洛錠」(Resolor,或稱Prucalopride)幫下佢。話說英國牛津大學最近係里斯本歐洲神經精神藥理學會議上發表研究表示以上提到的便秘藥有「令人興奮的」新發現,只要服用6日之後,記憶力加強提高思考力,並且可以預防抑鬱症、精神分裂等心理障礙。不過當你老友成功提升思考能力記憶改善後,佢就會因為你搞到佢屙咗成個禮拜,懷恨在心搵你尋仇。


唔係講笑,英國牛津大學真係有最新一項研究成功顯示,一般用來治療便秘的藥物「力洛錠」(Resolor,或稱Prucalopride)可以係短短6日內增強記憶力,並且可以預防抑鬱症、精神分裂等心理障礙。呢個「令人興奮的」初步發現來自牛津醫學實驗,研究人員將44名18歲至36歲的受測試者分為兩組,一半接受力洛錠,另一半則服食安慰劑。6日之後,研究人員為測試者提供一系列動物照及風景照,然後透過磁力共振掃描(MRI) 期間再給予受測試者睇相同或相似的圖片,要佢地將與原先不一致的圖片分開,以測試記憶力。結果顯示,吃左便秘藥的一組,有81%的人可以區分唔同的圖片,而另一組服用安慰劑的,只有76%的人可以分辨。另外,儀器掃描結果顯示,服藥組的大腦成像中,與認知相關的區域顯示增強。


牛津大學博士梅菲(Susannah Murphy)表示,雖然服用傳統抗抑鬱藥物可以很有效治療情緒低落,但就好多患者因此出現記憶力衰退的問題,這項研究對治療相關心理疾病提供左令人興奮的發現。相信研究團隊都食左唔少便秘藥去加強腦力得到如此有趣的新發現!



巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025
據《Bloomberg》記者Mark Gurman爆料,Apple正考慮為即將發布嘅iPhone 17 Air推出一款全新手機殼,設計類似iPhone 4時期嘅bumper case。呢款手機殼只會包住機身邊框,旨在提供基本保護嘅同時,唔會太影響手機嘅輕薄 ...
hobby
【科技】Apple正考慮為iPhone 17 Air推出邊框手機殼 類似iPhone 4的bumper case
25 Aug 2025