香港人對食物嘅要求越黎越高，同時對食落口嘅野同樣要越黎越健康。因此，近年興起嘅素食熱潮，到進一步嘅植物肉，令一班本來無肉不歡嘅朋友，亦慢慢轉移開始試一試呢啲高科技同時更健康嘅產品。

作為推行植物肉嘅公司，Impossible Foods由研發植物牛肉，到植物漢堡扒，黎到今日更推出Impossible植物豬肉，令大家可以在食素嘅同時再多一個選擇。

而為到令更多人認識呢款全新嘅Impossible植物豬肉，品牌日前於鰂魚涌太古坊聯同15間餐廳聯手推出特色便當，每日向公眾免費派發100份含有Impossible 植物豬肉嘅便當，每天食品主題亦不同，令你有更多選擇嘅機會去試到植物豬肉嘅變化。

Impossible 植物豬肉味道好之外，更重要嘅係蘊含豐富營養成分，適合用作取代任何食譜入面嘅碎豬肉，滿足到素肉人士之外，更能令一眾喜愛吃豬肉嘅人士愛上。植物豬肉帶有微微鹹香味道及濃郁肉鮮味，但同時味道不會過分強烈或含肉羶味，適合用於製作免治豬肉菜式等。