挪威係世上其中一個最多環保電力資源的國家，擁有強大的風電同水電能，除左自已夠用仲可以建世界最長海底電纜長達 720 公里連貫英國輸電力去英國。理所當然地挪威電動車發展強勢，原來當地上個月電動車整體汽車市場滲透率已經接近 80%，好快就會全國使用電動車，挪威2025年就會全面禁止銷售燃油車，未來到底係咪可以由電動車完全取代燃油車？挪威肯定可以但對於電力非常緊張的國家如中國等全面使用電動車加劇電能需求又未必係最環保最可持續發展的方向。

全球其中一個最大的趨勢係減碳排放量，其中一個全球化政策係電動車取代燃油車。當然家家有本難唸的經，每個國家情況都唔同。減碳環保先驅向來都係北歐國家一馬當先，當中改革最快最有成效的乃挪威 。根據挪威公報9月份汽車銷量， 電動車已經係整體汽車市場滲透率接近80%，領先全球。咁當然要歸功於挪威強大嘅電力資源，當地擁有強大的水力發電網，而且有跨國電網連通優勢，挪威同丹麥就互通電網，當丹麥風力發電量增加時，就可以透過跨國電網將多餘能源輸往挪威，然後挪威可以調節水力發電量，將當地水庫慢慢蓄水，等到丹麥需要電力時，挪威再用先前省下的水用來發電，回輸丹麥。挪威除左自己夠用，仲綽綽有餘可以供電英國。

單純睇挪威汽車市場佔有率Tesla Model Y 係當地汽車居然以 19.8% 的佔有率排第一位，成為最暢銷的車型，其次係Tesla Model 3佔12.3%排第二，至以第三則為捷克車廠非常實用抵玩的Škoda Enyaq 以 4.4% 的比例位居第三。香港作為世上其中一個電力最充足的城市，如果政府再推多少少電動車補貼資助，相信電動車大有可為。不過太多車係條路度又會有另一個問題！