{ SKIP }
文:MenClub 魏文青  
POSTED ON 13 Oct 2021

「The Rock」Dwyane Johnson與另一名光頭佬Vin Diesel 不和就已經係公開嘅事實。不過早前Vin Diesel就指佢對Dwayne Johnson只係「嚴厲的愛」,而Dwayne Johnson就簡單回應「你哋拍得開心啲」,件事似乎已經告一段落。而日前Dwayne Johnson接受《Vanity Fair》訪問時,就再次講起與Vin Diesel嘅恩恩怨怨,仲罕有地透露事情嘅細節。

圖片:IMDB

兩位光頭佬嘅公開對立始於2017年《F8》上映之前,Dwayne Johnson於IG發文指有人於拍攝期間唔專業,並稱呢個人為「Candy Asses」 (據Dwayne Johnson本人定義,即係「Full of Sxxt」嘅人),而由於再之前就有傳聞Dwayne Johnson參演嘅條件之一,就係唔要同Vin Diesel同場演出,所以大家就估佢係鬧緊Vin Diesel。

於最新嘅訪問中,Dwayne Johnson首先承認「不同場」嘅條件的確存在,佢話「我想避免啲八卦嘢,我覺得咁對所有人都好啲」;至於個IG Post,佢就話唔係因為發生咗啲咩特別事,「都係嗰啲老土嘢。但有趣嘅係我出咗Post之後,幾乎劇組每個人都搵方法黎同我講多謝」。

Dwayne Johnson又話自己唔應該出嗰個Post,因為佢覺得自己平時遇到類似問題都係私下解決,今次都應該同樣處理,唔好令全世界都知。但佢強調「我講嘅嘢都係真嘅,只係公開咁講我覺得唔係幾好。」

實際上,事後Dwayne Johnson與Vin Diesel亦真係試過私下會面,「我哋係有見過面,但我唔會話係一個和平嘅見面。我同佢喺我架休息車到傾咗一陣,講完之後我哋就完全知道大家係身處於兩個不同光譜嘅人,咁就由佢啦。」佢亦進一步提出自己嘅「光譜」係,「覺得所有劇組人員、片商、工作人員,都係平等而且值得尊重,亦明白所有人都 (為電影) 付出咗同樣,甚至更多嘅心機與血汗」,以及「我覺得做人最緊要係直接,坦白,而且如果你講過要做某啲嘢,你就要做」。

圖片:Vanity Fair

而據《Vanity Fair》報導,Vin Diesel事後公開回應事件時,講咗啲非常高大上嘅嘢。例如佢話與Dwayne Johnson嘅衝突係因為大家都係「領導型男人」 (Dwayne Johnson:聽落似係佢講嘅嘢)、又話Dwayne Johnson係「第二位多元文化巨星,好高興見到佢跟隨我嘅腳步」 (Dwayne Johnson:佢係咁講嘢)、仲話「Dwayne Johnson都唔知我有幾保護佢…但佢欣賞架,因為佢知電影世界中佢只有一個大哥,而嗰個就係我」(Dwayne Johnson:我係得一個大哥,但我講緊我親大哥,完)。

至於Vin Diesel著名嘅「嚴厲的愛」言論,Dwayne Johnson聽完記者覆述之後就大笑,然後話:「嗱我咁講啦,有一部份嘅我覺得我係唔應該回應,去抬高呢啲廢話。但事實係,我喺呢行已經有好長時間。唔似佢,我唔係由劇場長大,我來自一個完全唔同嘅成長環境及文化。我每做一件事都係盡力去做,而如果我遇到應該要解決嘅事,我就會解決佢。所以當我睇到佢講咩,我就好似大家咁笑,爆笑,所有人都笑。我諗Fellini都笑緊! (Vin Diesel於回應中曾經提到意大利名導演Fellini個名)。」

資料來源:Vanity Fair

Johnny Depp與Amber Heard嘅世紀誹謗官司,自開審嚟以嚟備受全球影迷關注,每場法庭直播都吸引過數十萬人觀看。雖然事情已告一段落,但仍然充滿話題,有片商就睇準商機,將審訊過程翻拍成電影! iframe width= ...
hobby
【影視】Johnny Depp、Amber Heard世紀官司改編電影預告出爐!
30 Sep 2022
Meme圖,台灣媒體又稱為「迷因」或「梗圖」,亦即於網上瘋傳嘅搞笑圖片/影片。雖然話Meme圖嘅出發點大多係為咗搞笑,但有時被整成Meme圖嘅對象就會因為咁而受到傷害。好知《Kick-Ass》女星ChloeMoretz,就因為一幅Me ...
hobby
【影視】Chloë Moretz透露被Meme圖搞到變「隱士」
29 Sep 2022