《魷魚遊戲》熱潮席捲全球，以1.1億觀看次數成為Netfilx有史以嚟最受歡迎劇集，同時帶動多位主演Fans人數暴漲，劇中同款白色帆布鞋大賣，而當中最具人氣嘅遊戲關卡莫過於「一二三，木頭人」，其詭異形象引嚟大量網友製作搞笑Meme抽水，最近創意藏品交易平台「FWENCLUB」就宣布即將推出1:10比例人偶，唔知大家有冇興趣入手呢？

香港藝術工作室AllRightsReserved旗下交易平台「FWENCLUB」，日前宣布取得Netflix官方授權，即將推出全球首個《魷魚遊戲》版權玩具「一二三，木頭人」 1：10比例人偶，採用軟膠材質製成，高14英吋（約35.6cm），限量發售456隻。另外，交易平台「FWENCLUB」亦結合區塊鏈技術，令每一件收藏品都附有數位認證，保障正品杜絕假貨。

View this post on Instagram

A post shared by FWENCLUB (@fwenclub)

目前官方尚未公布售價及發售日期，但從預告片可以見到人偶外型同劇中一樣咁詭異，而且個頭同隻晴或者可以郁，有興趣嘅朋友可以追蹤「FWENCLUB」IG留意後續消息。