{ SKIP }
文:MenClub 摯樂  圖:互聯網
POSTED ON 03 Nov 2021
【災難片王】明日之後地球又再末日預言成個《月球隕落》凶降地球

自有疫情之後入場睇巨幕超級科幻災難片身心靈會有幾震撼?2022年超癲《月球隕落》特大浩劫,融會各種陰謀都市傳說,原來月亮的故事真係假,佢背面有月球異變仲全速凶降地球!繼《天煞 – 地球反擊戰》《明日之後》《2012末日預言》之後人類又一次面對一聽個名就驚的警世災難!其實「這星球已經歷五次大滅絕,這將會是第六次。人類……將面對月球的黑暗面。」相信電影最有趣的係咁大件事NASA派出一隊太空團隊執行拯救任務真係搞得掂?放心對上幾次大導演羅倫艾默烈治都搞得掂,人類無野搞唔掂,《月球隕落》前你裝左安心出行未?入戲院真係要!

睇返導演羅倫艾默烈治對上幾部災難片,《天煞 – 地球反擊戰》《明日之後》《2012末日預言》部部經典套套可怕,絕對稱得上災難片王!今次除左故事格局極其龐大,大名鼎鼎粒粒巨星都唔少金獎影后荷爾·芭莉(Halle Berry)、《水行俠》柏德烈韋遜Patrick Wilson、《權力遊戲》約翰畢利及奧斯卡終身成就獎得主當奴修打蘭Donald Sutherland等等一線陣容仲有加拿大籍華裔女歌手于文文參演,電影今次斥資1.5億美元重金表達前所未見的史詩式災難場景,絕對係必須衝入大銀幕睇IMAX先感受到最強震撼效果!



《月球隕落》(Moonfall)將會係下年2022年震撼上映,從最新曝光預告片可見,大災難以美國太空人尼爾·岩士唐的經典名言「人類的一大步」作為開頭,原來登月背後果然隱藏天大秘密。畫面一轉,月球失控衝向地球,因為重力引發重大災變,如果以劇情論月球隕落呢條橋簡單得來都算有新意,好像無咩電影講述月亮跌落地球,算得上係史無前例災難類型,人類面臨前所未有的滅亡絕境!

 




由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024