Logitech嘅電競設備出色相信有用開嘅朋友應該都清楚，而近日佢地嘅Logitech G就推出全新嘅G435雙模無線藍牙耳機，設計輕巧舒適，令用家用得更自在輕鬆。

今次呢隻G435耳機，驅動單元為 40mm，保留左最真實嘅聲音細節，搭載 Logitech G 系列獨家 LIGHTSPEED 無線連線技術及藍牙 5.2 兩種模式，比標準藍牙連接速度更快，接收範圍更可達到 10 米，電池續航亦長達 18 小時，覆蓋範圍及續航性都極廣，同時佢更加有智慧音量控制功能，降低影響聽力嘅風險，適合長時間使用耳機聽音樂、玩遊戲嘅用家。而收音方面，其雙波束成形咪高峰則可以降低背景噪音，同時放大您嘅聲音，讓您聽起來就如身臨其境一樣。

G435嘅LIGHTSPEED無線連線功能，唔單止可以連手機同PC，佢仲可以連埋Switch、PS4及PS5主機，咁就無論玩邊樣都更加方便啦。

而小編親身試過，覺得耳機實在非常輕，165克嘅重量係Logitech G有史以黎最輕嘅遊戲耳機，而包耳嘅設計亦都非常舒適，並唔會有太大擠壓感，就算長期帶住亦都無問題。顏色方面G435分別有「黑黃色」、「莓果色」及「霧紫色」三個選擇，可以按你嘅個性選擇。

除此之外，G435通過 CarbonNeutral® 認證，將產品碳影響減少到零。G435機身採用至少 22% 回收塑料製成，其紙包裝來自 FSC® 認證森林，所以選擇呢款產品亦代表你正在支持環保。