{ SKIP }
文:MenClub 艾力克  
POSTED ON 08 Nov 2021
【NFT】黃明志販賣《玻璃心》NFT 火速沽清進帳近100萬美元

近期馬來西亞鬼才歌手黃明志同陳芳語合唱嘅新歌《玻璃心》熱爆網絡,歌曲上架YouTube未滿一個月已衝破2600萬觀看次數,佔據港台YouTube排行榜首位多日,甚至一度成為全球熱門榜唯一中文歌。日前黃明志就跟上潮流,將《玻璃心》及新歌《Go NFT》鑄成NFT限量發售,結果火速沽清賺進近100萬美元。

向來敢言又鍾意諷刺時弊嘅黃明志,日前上傳一條名為「用NFT對抗世界!」嘅短片,指出現時創作者喺傳統市場或網絡平台出售作品時,都會被中間人抽取一筆「手續費」,而作品本身亦有可能因為平台或當地政府審查制度而被封殺,所以佢希望透過去中心化嘅虛擬貨幣及NFT對抗世界體制,既可以保障創作者收益,又唔怕作品會被封殺。

有見及此,黃明志就將新歌《Go NFT》鑄成100枚NFT連同20張對各大銀行及大企業舉中指嘅相上架到交易平台Opensea販售,結果唔夠3個鐘就全數售罄,後來所追加嘅99枚《玻璃心》NFT目前亦賣出將近一半。由於每件NFT作品售價為1-3枚以太幣(ETH)不等,預計黃明志今次最少進帳199ETH(約94萬美元、732萬港幣)。

Fans們熱烈嘅支持搞到黃明志都嚇咗一跳,表示「一覺醒來我變成了大富翁...老實說我有一點不知所措。」不過佢就強調就算賺咗咁多虛擬貨幣都唔會套現成現金,只會令佢永遠喺虛擬世界流動,對抗世界銀行,同時預告下個禮拜會推出《飆高音》NFT,或者又會引起一波搶購潮。

被譽為遊戲界奧斯卡嘅年度盛事《The Game Awards(TGA)》於今早舉行,《Baldurs Gate 3(柏德之門3)》成功奪得年度最佳遊戲、最佳角色扮演遊戲、最佳社群經營、最佳多人遊戲、玩家之聲以及最佳演出6項大獎,成為本 ...
hobby
【電玩】TGA 2023得獎名單出爐!《柏德之門3》奪年度最佳遊戲等6項大獎成大贏家
08 Dec 2023
每逢年尾又到總結成績嘅時間,近日IMDb就率先公布2023年10大電影、劇集及演員名單,唔知大家嘅心水作品有冇上榜呢?
hobby
【影視】IMDb公布年度10大最受歡迎電影及劇集名單
08 Dec 2023