據外媒Insider報導，記者James Andrew Miller為撰寫新書《Tinderbox: HBO's Ruthless Pursuit of New Frontiers》採訪咗多位有關人士，當中就包括George R.R. Martin經理人Paul Haa以及前HBO CEO Richard Plepler。書中就提到經理人Paul Haa大爆George R.R. Martin曾經飛到紐約同Richard Plepler共進午餐，懇求對方可以拍10季10集《GoT》，事關佢本人有足夠素材可以拍。George甚至喺2018年向外媒Variety表示過其實啲材素足夠拍到第13季。

George R. R. Martin doesn't know why #GameOfThrones is ending: "We could have gone to 11, 12, 13 seasons" #Emmys https://t.co/QILf2nBd4b pic.twitter.com/4wRJFl9vhD

— Variety (@Variety) September 17, 2018

之不過呢方面又唔到George話事嘅，Paul Haa就提到George同HBO高層都希望《GoT》可以拍多幾季，不過在於節目製作人David Benioff及D. B. Weiss嘅立埸，就認為已經拍夠需要move on而且好攰，所以決定喺第八季就大結局。

既然《GoT》已經過去咗，咁唯有展望一下新作，目前《GoT》前傳劇集《House of The Dragon》正拍攝當中，改編自George R.R. Martin另一本作品《Fire & Blood》，預計2022年正式播出。