月頭Xbox X/S 推出Forza Horizon 5賽車遊戲大獲好評，不過近日就有位不幸的超級藝術家因為獨特汽車拉花設計被官方Ban帳號8000年，比中國五千年的風和雨歷史更漫長。所犯何事？原來係將架車拉花成極美北韓領導人「金正恩」的頭像再配上超精緻肯德基上校造型設計，細節極豐富。可惜遊戲開發商Turn 10 Studios唔鐘意呢種玩笑，結果無預警下被官方停帳Ban 8000年！引發外國遊戲玩家熱議！

Forza Horizon 5一向都因為可以任意改變與設計車輛的拉花而深受玩家歡迎，玩家可以同朋友分享創作並透過過社群創作功能下載。根據 Reddit 玩家 AllThingsRacing 描述其超神人級友人最近以北韓領導人「金正恩」頭像，取代肯德基上校造型設計左新拉花。呢個「金仔」主題拉花非常多細節，巧奪天工你除左先睇到「金仔」個頭取代肯德基上校，細仔睇睇仲見到北韓首都平壤的字樣（Pyongyang）設計、模仿 NIKE 的「NUKE」標誌，甚至有象徵世界核平的「#SendNukes」Hashtag，相當之堅料！

不過結局超想像，呢個如此神級設計居然過唔到遊戲開發的 Turn 10 Studios 社群團隊，也許係政治原因官方對此作出直接無預警停帳號Ban ACC處分，非常嚴重。根據截圖，該帳號封鎖的停權時間直到公元 9999 年 12 月 31 日先解鎖，即從今計起將近 8,000 年，引起社群熱烈討論。