聖誕將至，又係時候要諗同女友、老婆去邊慶祝啦。覺得又去食自助餐好悶，去Staycation又貴，咁今年不如去下啲小區探索一下，可能會有另一番體驗。

位處金鐘附近嘅星街小區，今年就別出心裁以藤片以人手編織成緞帶，製作出非常亮眼、啱晒打卡嘅聖誕樹及裝飾！

星街小區今年與AaaM Architects合作設計出環保聖誕裝置，以創新方式呈現比市民。藤是一種天然又環保嘅物料，其質地靈活、堅韌及擁有再生特性，所以今年特別選上佢作為聖誕裝置嘅主要物料。當中最搶眼嘅當然就係6米高嘅聖誕樹啦！而一路行上星街，你又會見到一頂比真人仲大嘅聖誕帽，啱晒兩人一齊聖誕節打卡。

行到咁上下，當然就喺附近搵一間美食小店坐低歎番杯，然後慢慢度過美妙嘅一晚。