俄羅斯總統普京被譽為戰鬥民族大總統，雖然駕駛戰鬥飛機同戰車甚至戰馬都唔會令人意外，但最近國營電視台播出名為《俄羅斯–新歷史》(Russia. New History)的紀錄片就提到，當年前蘇聯解體引發經濟動蕩，曾經做特工的普京係因為窮所以要兼職做無牌夜更出租車司機賺取收入幫補家計，佢為此表達對國家當時狀況非常遺撼！成功引起海外媒體關注，關注度仲遮蓋咗俄羅斯係烏克蘭邊境軍事集結的現況！你想像下30年前當你睇緊劉德華同葉蒨文時，普京大帝過緊飛的士載客焚心以火的劣境當中。

俄羅斯國營電視台剛星期日播出名為《俄羅斯–新歷史》(Russia. New History)紀錄片，總統普京係片中表示對前蘇聯這個「歷史性的俄羅斯」解體感到好遺憾，首次提及當年觸發的經濟危機迫使佢要做夜更無牌的士司機賺外快。前蘇聯衞星國的2,500萬人係國家獨立後發現完全脫離俄羅斯，係一個重大的人道悲劇。普京話前蘇聯解體導致嚴重通脹，連佢當時都要做夜更的士司機賺錢，普京覺得談及此事雖然不光彩，但確有其事。據知係當時的俄羅斯，有牌的士很少見，很多人會私下開車接送陌生人收錢來維持生計。甚至當時會有人使用公務車，例如救護車等，來作為出租車做生意。雖然佢兼職無牌的士，但眾所周知普京曾經係蘇聯安全組織克格勃（KGB）的特工。

俄羅斯近日係鄰國烏克蘭邊境集結逾9萬士兵，外界憂慮其或計劃入侵烏克蘭，但俄羅斯一直否認，並反指烏克蘭挑釁及尋求加入北約。普京今次言論引來外界猜測，指其或在暗示外交政策方向。