創意十足嘅日本日清，除咗本業食品之外，周不時就會出啲奇怪發明。最近佢哋旗下杯麵「日清焼そばU.F.O.（日清U.F.O炒麵）」就喺Twitter展示出一項新「發明」，惡搞名畫《倒牛奶的女僕》令倒水嗰刻變得更加有趣！

今次日清二創嘅對象係名畫《倒牛奶的女僕》，出自荷蘭黃金時代畫家Johannes Vermeer手筆，描述一個女僕喺廚房將牛奶倒入一個鍋，而且枱上有幾塊麵包。日清今次就巧妙咁將幅畫同U.F.O炒麵杯蓋結合，將原本牛奶嗰位於變成出水口，令「倒牛奶的女僕」瞬間變成「倒熱水的女僕」，睇落玩味十足。雖然冇咩實際用途，但唔排除有人會為咗見證「倒水」嗰一刻而買嚟食嘅！官方就話如果多人Retweet條片，會考慮商品化正式推出市面，截至目前已有3.6萬人Retweet，睇嚟各位網友都好有興趣。

あの名画で湯を切れる「湯を切る女」をつくりました。湯を切る女との共同作業をお楽しみください。#牛乳を注ぐ女#湯を切る女#RT多ければ商品化 pic.twitter.com/ACU1egZx2y

— 日清焼そばU.F.O.公式 (@nissin_u_f_o) December 15, 2021

事實上，之前日本日清都Show過一個金色獅子杯麵蓋，不過到目前都未商品化推出市面。有時都幾好奇佢哋平時返工究竟係做咩嘅呢，成解會諗到咁多創意發明出嚟？

温泉でライオンからお湯が出てるとテンション
上がるので、U.F.O.にも搭載してみました。

年始の初湯切りにふさわしい、ゴージャスな気分が
味わえました。

RTが多ければ商品化!?#UFOゴージャス湯切り#おせちに飽きたらUFO pic.twitter.com/oqd6nvql96

— 日清焼そばU.F.O.公式 (@nissin_u_f_o) January 7, 2021