向來「不務正業」嘅日本日清最近又新想法，今次佢哋就設計咗一款類似倒瀉杯麵嘅地拖，就連啲配料都跟到足，唔知佢哋有冇打算商品化推出市場呢？

やらかしてる！と見せかけて、ちゃんと掃除してます。#モップヌードル #ウインターカップで使用中 #バスケ pic.twitter.com/VXThaSRkJK

— カップヌードル (@cupnoodle_jp) December 27, 2021

籃球場上汗水淋漓，為避球員喺比賽期間滑倒受傷，工作人員會喺空檔時間拖地保持地板乾爽。有份贊助日本全國高校籃球錦標賽「2021冬季杯」嘅日清，日前就喺比賽上展示出佢嘅新發明「合味道杯麵地拖」，從圖中可以見到拖把頭係一塊好似麵條嘅大型抹布，而且上面仲有幾粒玉子、蝦乾等配料，加埋個杯麵裝飾，驟眼睇就好似一個倒瀉咗嘅合味道，非常抵死，出場嗰陣仲好似搶走一眾健兒嘅風頭。

#モップヌードル 使用中????????#ウインターカップ#高校バスケ pic.twitter.com/xFSlU3cyiv

— 高校バスケby日本バスケットボール協会(JBA) (@U18_JBA) December 27, 2021

之不過日清暫時就未宣布會商品化，相信只係期間限定惡搞一下，若然佢哋真係推出大家又會唔會買先？