{ SKIP }
文:MenClub 摯樂  圖:互聯網
POSTED ON 30 Dec 2021
【江湖救急】日本麥當勞缺薯條停賣Flexport三架大飛機載滿薯仔緊急緩解

聖誕前日本麥當勞發生史無前例「薯條荒」,據日方表示由於溫哥華鄰近港口大水災及疫情影響全球供應鏈,薯仔出口減少供應出現延誤,聖誕日本麥記只能限量出售細包薯條,唔少平時唔食麥記的市民都係東京麥當勞排長龍買薯條。為解決危機,美國特別派出3架大飛機載滿薯仔空運日本,確保元旦日本麥記有薯條過年!薯條經濟學明明平時無人關注,供應一少需求就變大,因此要排隊去麥記買薯條!


受COVID-19 疫情、加拿大水災、船運擠擁等多方面影響,日本麥當勞早前一度傳出要停售薯條引起海外關注,後來改為只停賣中、大同加大薯條,限制配給出售細薯條。不過情況好快就可以好轉!因為美國貨運代理公司 Flexport將供應3大飛機薯仔,緩解日本「薯條荒」的狀況。Flexport CEO Ryan Petersen 指出公司剛剛簽約,向日本空運 3 批共 747 噸重馬鈴薯,幫助解決薯條短缺問題。據悉唔少民眾係東京麥當勞排起長長隊,確保聖誕節前獲得最後一批大薯條。一位發言人表示,中大薯條樂觀情況下預計將於 12 月 31 日恢復出售。有趣係消息傳出後,Flexport Twitter上有大量留言表示感謝,但Ryan Petersen指出:「我是根據利潤而不是人道主義思想做出決定的。」!



其實薯條荒不單只係日本出現,紐約漢堡店 J.G. Melon 上星期都係 Instagram 發文表示由於供應鏈問題,目前暫停發售炸薯條(cottage fries)。好彩香港薯條供應暫無問題,但當世界物流出左事,有事發生起來,香港人要有心理準備跟餐塞爆一包薯條這種幸福並非必然,可能有一天洪門就此塌下來,無哂薯條!跟餐無薯條充飢,何不食蝦條!?



作為一個貓奴,你去叫主子但主子明明聽到都唔應你,係一件非常合理嘅事。但主子唔理你,好有可能唔係因為聽唔明你講咩,而係根本就唔想理你。因為據日本一個研究發現,主子們好可能係知道同一屋簷下嘅其他貓叫咩名。 ...
hobby
【寵物】日本研究指出 貓其實聽得明其他貓叫咩名
20 May 2022
雖然話大家返工都係為份糧,但一個好嘅老細的確能夠令打工仔「獲得份糧嘅過程」好過得多,相信唔少打工仔心目中亦會有一個「理想老細」嘅形象。近日日本網民「とあるん@toarutoa」就於Twitter列出「原版《龍珠》嘅菲 ...
hobby
【職場】日網民指菲利係個好老細!獲14萬人讚好
20 May 2022