可能唔少人都以為ASICS只係適合跑步人士穿著，但係事實上ASICS亦可以係時尚嘅你嘅一個選擇。近日佢地就宣佈同紐約時尚先驅AWAKE NY再次進行聯乘，打造全新系列 ASICS x AWAKE NY GEL-KAYANO TRAINER 21。

今次 ASICS x AWAKE NY GEL-KAYANO TRAINER 21 嘅設計，以90 年代震撼時尚界嘅MONO-SOCK（襪套式）結構為主軸，結合2014 年面世嘅GEL-KAYANO 21運動科技元素，再喺鞋跟及前腳掌注入 ASICS專有GEL緩震膠，絕對係集合科技及時尚嘅結晶！

配色方面，今次聯乘系列選用一個較活潑嘅色調 - 湖水藍，從而向邁阿密充滿藝術色彩嘅建築致敬，而另一配色 - 灰銀，則絕對係百搭嘅選擇。

除左聯乘系列，ASICS大熱嘅經典款式 JAPAN S 以 LOGO PLAY 系列玩味登場！全新款式大玩ASICS標誌性經典虎爪紋，再大膽以全新重疊方式進行撞色拼接，復刻時尚感！