當今世代報紙真係愈來愈難做，就算日本有新聞自由，傳統報紙不斷萎縮報社都要鬥快轉型網絡世代，如果你轉型得遲好快就會遭受淘汰。不過日本知名八卦娛樂報「Tokyo Sports」就有另類生存法則，靠著其媒體本身宣傳功力，加上有心鑽研新品創出三倍大蒜的特別口感煎餃子，推出販賣後大受好評，無里頭地成為報社收入新主力來源！初心好簡單報紙搵食難，投資轉行做賺到錢的行業，而報社認為一邊看報紙當然要一邊喝啤酒，而搭配啤酒的最佳食物就係煎餃了！無錯就係咁成功大賣三倍大蒜煎餃子！

「Tokyo Sports」原本係跟開娛樂新聞，不過近年網上有齊所有娛樂料，報紙真係好難賣落去！於是報館就忽發奇想，何不試試做新野？疫情再加上行業不景氣，於是不如研發餃子，一袋50個家庭裝賣2,484日圓！最重要報館推出的餃子除左有宣傳效力識得玩仲堅好食！「Tokyo Sports」餃子有話題得來其獨有招牌三倍大蒜的特別口感先至係成功出位的關鍵！其實佢地真心做出好的餃子，先可以短期內大穫好評，成功由媒體變成餃子品牌！其原創日式煎餃由包裝開始就刻意模仿旗下報紙排版。讓人覺得好玩得來又好特別，仲好好食！據食家表示呢個新的報館餃子「真的是超好吃。」，一咬落去就感受到濃濃大蒜香氣，唔理 佢咩背景，呢個成功好食的餃子不紅，天理不容！相信Tokyo Sports一直以來都係被新聞耽誤的餃子店！