2021年日本藝能界最大驚喜莫過於新垣結衣喺5月閃嫁星野源，兩人婚後嘅「分居婚」生活模式亦引起唔少關注。最近就有日媒爆料，指新垣結衣拍完新劇《鎌倉殿的13人》，就可能會同星野源一齊移居到美國。

據日媒《東京スポーツ》引述知情人士爆料，星野源向來非常憧憬移居到外國，曾經喺2019年舉行海外巡演，並製作英文歌，打算等情況隱定就會搬到美國紐約居住。但由於新垣結衣喺上年剛接拍NHK電視台大河劇《鎌倉殿的13人》，而且又係佢首次主演大河劇，所以非常投入拍攝，預計要等到拍攝完全結束，佢先會同星野源移居到外國。

消息傳出後，唔少網友都感到非常驚訝，不過新垣結衣及星野源兩人目前未回應有關報導，暫時得個傳字。題外話，早前星野源曾透露，由於佢同結衣工作非常繁忙，而且彼此都好重視個人時間，所以自上年5月結婚至今仍然係分居生活。