NFT近呢1-2年受歡迎程度直線上升，而其產品不斷受熱捧，交易金額則屢創新高。睇見咁大塊餅，唔少公司都想分一杯羹，其中就包括各大電子遊戲商。

作為製作Final Fantasy嘅遊戲商，Square Enix 總裁喺最新發表嘅新年信入面主動提到，公司將希望未來能夠喺遊戲當中引入NFT。對於Square Enix呢個決定，唔少玩家都表達失望及擔心。

對於今次有關公司提到NFT嘅決定，玩家們都擔心將會於《FF14》內實施，甚至會放入佢地非常期待嘅《FF16》。玩家們認為NFT將會破壞遊戲生態及核心價值，令玩遊戲變質。

不過，遊戲商方面就非常希望見到虛擬貨幣商品交易能夠普及，甚至成為未來遊戲入面嘅主要趨勢。咁就梗係啦，佢地設計嘅野越多人進行交易，亦代表佢地有機會賺錢嘅機會越大啦。