正所謂豹死留皮，人死留名，一隻對人類有莫大貢獻的生物即使係老鼠，其生命都係值得歌頌！柬埔寨最強「掃雷老鼠」Magawa上星期離世，享年8歲，呢隻鼠鼠一生為人「聞」地雷協助掃除東南亞戰爭遺留地雷同未爆炸彈，由於鼠鼠夠輕踩上地雷唔會爆一生聞出71枚地雷同38枚未爆彈獲表彰其「恪盡職守，拯救生命」並賜牌匾一塊！

係東南亞據估計仍有多達600萬枚地雷和未爆彈藥。比利時非營利性嗅覺動物組織APOPO多年來訓練動物幫助為危險地區掃除地雷！大鼠Magawa正正係APOPO最佳出品。Magawa原本係坦桑尼亞巨鼠，其體積比一般家鼠大！移居柬埔寨前接受過一年的培訓。Magawa重1.2公斤，身長70厘米，但由於重量輕，可以係地雷上行走，唔會爆炸。他憑藉出色的嗅覺，搜尋地雷和炸藥。由2018年服役至今已發現左100多個地雷和爆炸物，使柬埔寨人免於傷亡的危險。