法院著名地標巴黎聖母院大教堂於2019年發生火災，整座建築嚴重損毀，令當地乃至全歐洲人民深感痛惻。為紀錄今次事件，日前Ubisoft宣布將與法國電影公司Pathé合作，以紀錄片《Notre-Dame on Fire》為藍本製作同名VR遊戲，讓玩家體驗逃生及救火任務。

據外媒Variety報導，呢款遊戲長度為1小時，含有解謎及合作元素，玩家們將會扮演消防員走入2019年4月15手日深陷大火嘅聖母院，同隊友通力合作喺限定時間內搶救文物、救火等等，預計會隨住同名記錄片《Notre-Dame on Fire》於3月16日正式推出。

事實上，Ubisoft同巴黎聖母院有住一種微妙嘅緣份，早於2014年推出《刺客教條：大革命》（Assassin's Creed Unity）就喺遊戲內重現過呢個歷史地標。聖母院發生火災後亦義不容辭參與救援及支持，並透過3D技術、花費5000小時精雕細琢，推出VR遊戲《Notre-Dame de Paris: Journey Back in Time》，等大家可以再次造訪巴黎聖母院大教堂。