日前報導微軟豪擲687億收購動視暴雪餘波未了，估唔到昨日股市一石擲起千重浪對手Sony昨日一開盤就係日經大跌9.8%，爆出2020年疫情以來單日最大跌幅，據指投資者過份擔心諸如Call of duty會變成Xbox獨佔系列等傳聞。不過除左Sony大跌其他遊戲開發發行商就因此全部股價上升，包括Electronic Arts、Take-Two Interactive、Konami，甚至任天堂全部上升，當中SQEX 同 Capcom更被被視為Sony的收購目標之一大升，獨獨Sony被對手一逼擲錢收購「跟」好定任由微軟獨佔遊戲唔理？咁樣一跌成個日經指數跌2.8%到五個月低位！好彩今日穩守升返上來！睇來擲錢可恥但很有用！

當大家第一次聽到微軟重磅收購動視暴雪除左震驚你可能覺得佢傻，但商業世界原來有錢就可以玩到反轉！微軟擲完錢成功令Sony腳震，Sony上星期仲高高調調推出Sony VR2 同Sony電動車聲勢浩大一面向好，幾日後被微軟逼入牆角，下一步到底係咪應該買返一兩個遊戲開發大廠搞「軍備競賽」？

微軟 2020 年買入ZeniMax後，旗下Bethesda新作《上古卷軸 6》（Elder Scrolls VI）被微軟玩Xbox主機與 PC獨占上市。所以對遊戲而言微軟收購大廠後肯定會玩獨佔打擊PS5！但對遊戲開發商而言則機遇開始，分分鐘納入微軟同Sony之間競爭中漁人得利先機，EA美商藝電、Take-Two Interactive、Konami，甚至任天堂全部一片向好。據分析如果Sony要收購遊戲開發商SQEX同Capcom被視為Sony的收購目標之一。其實不變應萬變下，Sony只要穩定同火速生產足夠PS5主機，配搭新世代Sony VR2前景根本就一片向好。其實被睇低個個一直都係駛大錢的微軟Xbox！