荷里活巨星Johnny Depp近年因為離婚官司導致形象一落千丈，除咗失去《怪獸與牠們的產地 3》演出機會，更慘遭荷里活封殺。但正所謂「東家唔打打西家」，最近就有報導指Johnny Depp將轉戰法國影壇，於新作飾演法國國王「路易十五」。

據外媒《Variety》報導，繼2020年《Minamata（毒水曝光）》之後就冇再拍新戲嘅Johnny Depp，將加盟由法國女星Maïwenn自導自演嘅未命名新作，飾演法王「路易十五（Louis XV ）」，而Maïwenn就會裝飾路易十五著名情人「杜巴利伯爵夫人（Madame du Barry）」，預計今年夏天於巴黎展開為期三個月拍攝，主要取景地點為凡爾賽宮。

（圖片截自：Variety via AP）

另外，外媒亦猜測Johnny Depp將會使用全法語演出，但呢樣野對佢嚟講亦唔係咩難事，事關佢曾經同法國歌手兼演員Vanessa Paradis喺巴黎居住十多年，並育有一仔一女。