{ SKIP }
文:MenClub 魏文青  
POSTED ON 26 Jan 2022

作為世界第一強國,中國做事總係有「中國標準」。就好似電影咁,唔少電影為咗進入中國市場,都需要改動劇情、結局,甚至拍出一個專門針對中國嘅版本。而最新加入呢個「行列」嘅,就有1999年上映、David Fincher執導、至今亦有非常多人奉為神作嘅《Fight Club》,而且佢嘅中國版本仲係非常唔合理添!

原版結局

卻說中國騰訊近來引入《Fight Club》作串流播放,但就有觀眾發現中國版《Fight Club》有一個非常特別嘅結局。原版故事嘅最後,由Edward Norton飾演嘅「主角 (The Narrator),希望阻止由Brad Pitt飾演嘅Tyler Durden所策劃,希望以炸彈炸毀多棟大樓以表達反物質主義及反資本主義思想嘅「破壞計劃」。但阻止中途,主角發現自己同Tyler其實係同一個人,於是佢向自己個咀開槍,子彈從臉頰穿出,Tyler亦「被殺死」。然後主角連同被捉黎嘅Marla (Helena Carter飾),一齊手拖手望住窗外嘅大樓被炸毀。

但你知中國最緊張就係「邪不能勝正」,呢個犯罪份得逞嘅結局好明顯就唔符合國家嘅要求,所以騰訊版嘅《Fight Club》於主角與Marla相遇之後就戛然而止,然後就打出一張英文字卡,指由於Tyler向有關當局報案,警察好快就了解整個「破獲計劃」並火速將所有犯案份子一網打盡,成功阻止炸彈爆炸。而Tyler經審判後被判入精神病院接受心理治療,並於2012年出院。

圖片:Fight Club on IMDB

講真,中國版要改結局真係唔係咩新聞,問題係佢呢個改法根本完全唔合理——由Brad Pitt飾演嘅Tyler根本就唔係一個真實存在嘅人物,佢又點樣去報案再被人拉入精神病院?呢個結局已經唔係「改動」劇情,係直頭推翻整部戲嘅設定。就連中國網民們都話呢次真係改到過哂火位——至於點解佢哋會知原版結局係點?你估下?

值得一提嘅係,目前唔知到今次嘅改動究竟係騰訊自行作出,定版權擁有人20th Century Fox提供。更值得一提嘅係20th Century Fox目前係Disney旗下嘅公司。

資料來源:The Guardian

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025