Marvel今年首部重頭戲《奇異博士2：失控多元宇宙》（Doctor Strange in the Multiverse of Madness）雖然早喺上年9月煞科，並預計今年5月上映，但早前就被爆出劇組因為「角色客串」而需進行大規模補拍，隨即引起Fans們各種猜測，其中就有傳第一代蜘蛛俠Tobey Maguire將會再度登場。

#TobeyMaguire may have been confirmed for #DoctorStrangeInTheMultiverseOfMadness:

Mariana Torres, who is Wanda’s voice in Portugese recently uploaded an IG story with Manolo Rey, who is Tobey Maguire’s #SpiderMan voice in Portugese with the caption “Good things are coming”. pic.twitter.com/XZwBUdKGFM

— Spidey Updates (@SpideyUpdate) January 23, 2022

據外媒《Game Rant》報導，負責「紅女巫」Elizabeth Olsen葡萄牙文對白嘅配音員Mariana Torres，日前喺IG限時動態貼出一張合照，並寫上一句「美好事情即將發生」，由於相中身穿蜘蛛俠「三代同堂」T-Shirt嘅男人，正正就係Tobey Maguire葡萄牙文配音員Manolo Rey，所以唔少網民就猜測Mariana Torres係暗示緊Tobey Maguire將於《奇異博士2》再度登場。

除此之外，一個專門報導迪士尼傳聞嘅Podcast節目《The DisInsider Show》，日前主持人Skyler Shuler及Derek Cornell實牙實齒話Tobey Maguire將會出演《奇異博士2》，但就唔知第二代蜘蛛俠Andrew Garfield會唔會都有份。

咁當然啦，目前一切都只係傳聞，學MJ話齋「如果你期待失望，你就永遠不會失望。」不如大家預咗Tobey Maguire唔會出現先，咁到時佢真係冇份都唔會失望，有份的話就更加驚喜。