過去一年，「元宇宙」概念不斷升溫，令人開始著眼虛擬世界與現實已經越來越接近。而俄羅斯近日更先於世界一步，正式判處於虛擬世界進行破壞嘅年輕人犯罪，並將其拉入牢獄之中。

兩年前，3名年輕嘅俄羅斯西伯利亞青年，於大熱遊戲《Minecraft》入面自行興建俄羅斯聯邦安全局大樓模型，其後進行炸毀，最終被俄羅斯當局發現。

三名當時年僅14歲嘅青年，被俄安全局發現於聊天紀錄及網絡搜尋閱讀有關炸藥的影片，再加上於《Minecraft》嘅行為，最終被當局以「接受恐怖活動培訓，企圖顛覆俄羅斯聯邦現有國家及政治結構」理由指控，並拘留佢地進行調查，雖然三人曾被短暫釋放，但相隔數月再被軍事法庭傳召，最終判定三人密謀製造、儲存、攜帶爆炸物和爆炸裝置等 3 項罪名。

經軍事法庭最終裁定，三人當中有兩人承認控罪，分別被判6年6個月及6年5個月監禁，而有一人不承認控罪，最終被判9年監禁。 

下次喺《Minecraft》進行破壞嘅時候，可能要停一停、諗一諗了....