兩個新年過後，理應就係減肥高峰季節，但當連出街食飯都被限制，運動就更加唔使諗。不過大家等多兩個月就冇問題啦——唔係因為解封，係因為任天堂宣佈4月底推出《Nintendo Switch Sports》！大家可以喺屋主做運動啦！

雖然任天堂早年就已經出咗Ring Fit，等大家可以邊打機邊做運動，但你需知道《Wii Sports》乃係遊戲史上第四好賣嘅遊戲，亦係Wii嘅發家之作，其江湖地位及吸引力都係無可置疑。新嘅《NS Sports》將會繼承保齡球、網球及來自《Wii Sports Resort》嘅擊劍，另外加入足球、排球及羽毛球三大球類運動，全部都會充分利用Joy Con嘅體感功能，盡量以運動本身嘅動作黎進行操作 (除咗足球，基本上都係用手玩)。另外亦會加入全球線上對戰。

另外任天堂亦宣佈，會於秋天以線上更新嘅方式加入射門遊戲，今次玩家就真係可以將個Joy Con綁上腳黎進行射門。值得留意嘅係，如果你買實體版遊戲，附Game就會送埋條綁帶，但買線上版就冇。

網球

保齡球

擊劍

足球

足球射門

羽毛球

掛球

《NS Sports》將會於4月29日推出，但2月18-20日期間就會舉行線上對戰嘅測試，只要你本身係NS Onlline嘅訂閱者就可以率先試玩保齡球、網球及擊劍三款「舊」遊戲。測試期間只開放隨機配對對戰，即係玩家冇辦法與朋友一齊玩。