相信近期全球最火熱嘅遊戲之一，並唔係咩大作，而係一個估字遊戲《Wordle》。就算你無玩，你都可能喺社交媒體上見到唔少人Share又黃又綠嘅方格，而目前遊戲就只係得網頁版，但你打開電腦或手機就可以輕鬆玩。

不過黎緊你又可能多一個渠道玩《Wordle》呢個遊戲，因為外國就有朋友將《Wordle》移植到經典手提遊戲機Game Boy上，同時佢亦釋出ROM及原始程式碼供大家免費下載。

雖然移植成功，但由於Game Boy規格所限，所以目前頂盡只可以玩到8000個生字，所以會比原價簡單一點，當然8000個字其實都唔算好容易。