掀起全球大熱嘅網頁猜字遊戲《Wordle》，令人每日都想估中究竟佢會出咩生字。不過，可能你對估生字無太大興趣，所以根本無去玩《Wordle》。而《Wordle》事實上啟發左唔少人去製作類似嘅估嘢遊戲，其中竟包括以下呢款：麻將版本《Mahjong Handle》。

麻將版《Wordle》：https://mahjong-handle.update.sh/

《Mahjong Handle》顧名思義就係估一幅食得出嘅麻將，而佢唔係玩台灣牌16隻，唔係美國牌可以換3隻，而係玩日本牌，日本牌最大嘅特色就係同廣東牌一樣都係打13隻，咁當然食得出係要14隻啦。

同《Wordle》一樣，你將有6次機會去估呢幅牌，估中個隻牌就會顯示為橙色，如果岩牌岩位就會顯示藍色。而同《Wordle》唔一樣，如果你估完6次之後估唔到的話，遊戲將會顯示答案比你，之後你就要等第二先可以再估啦。