早幾日傳出德國車廠福士汽車（VW）打算以數十億歐元收購華為旗下自動駕駛部門去加強自身軟件系統方面能力。據福士預計自動駕駛將會係 25 年內成為汽車行業最廣泛之應用，故此正尋求全新合作夥伴，以提高其在軟件方面自給自足的能力，並為其汽車添加品牌特定的語音助手等功能。但問題係華為單2021 年總共投入 10 億美元用於研發軟件，如果做得「好地地」點解要受福士數十億歐元收購呢？除非表面上福士收購華為，實際上係華為新合作突破封鎖。

根據外媒引述 VW 內部消息人士話VW高層已經同華為就此合作進行磋商左幾個月。據指交易主要涉及 VW 目前尚未精通之技術系統，但 VW 發言人就此事未有任何回應。年頭褔士中國同華為就已有傳聞傳出會合作合資成立自動駕駛公司。故兩間大型企業係汽車自動駕駛領域合作其實有跡可尋！華為自動駕駛部門隸屬於電信設備和智能手機巨頭的“智能汽車解決方案”業務部門，該業務部門只係2019 年剛開始運作。至於華為會唔會推出自家汽車，一直以來華為一再否認，並指其只想做“中國的博世”，做一間汽車品牌零部件供應商。

對於德國車廠而言，擁有自動駕駛能力科技公司可以幫助其實現製造未來汽車的雄心，但褔士到底係咪完全無自研能力，要靠收購華為去整合自己科技水平？華為又有咩誘因要讓福士收購？呢個疑團相信需要時間去考證！大家又想唔想以後所有福士集團車全部都用華為的軟件？