繼日前「死侍」Ryan Reynolds及「X教授」Patrick Stewart相繼否認有份出演《奇異博士2：失控多元宇宙》（Doctor Strange in the Multiverse of Madness），最近一位業內傳媒人Joe Decelmeier就大爆，表示X-Men知名角色「狼人（Wolverine）」都有份參演，不過飾演者就唔係Hugh Jackman！

We will see Wolverine in #DoctorStrangeInTheMultiverseOfMadness but it definitely won’t be Hugh Jackman.

— Joseph Deckelmeier #BlackLivesMatter (@Joelluminerdi) February 20, 2022

日前著名影視媒體《Screen Rant》編輯兼《The Illuminerdi》創辦人Joe Deckelmeier喺Twitter大爆：「我哋將會喺《奇異博士 2》見到狼人(Wolverine)登場，但肯定唔係由Hugh Jackman飾演。」至於會交畀邊個演，唔少網友都推測係「哈利波特」Daniel Radcliffe，無他嘅，事關Hugh Jackman宣布從狼人「退休」後，網上一直盛傳Daniel Radcliffe將會接棒重啟，甚至有熱心網友已經幫佢改埋圖惡搞。

As a @DanielJRad fan... I could totally see him as Wolverine, and I think we would be awesome. Who do you think it will be? #Wolverine @Marvel
#photoshopediting #photoshop @WolverineMovie
@MarvelStudios #mcu #MarvelStudios #marvelcomics
#xmen #DanielRadcliffe pic.twitter.com/aOgE2aZycA

— Rhymes with Relish (aka Rich) (@RhymeWithRelish) February 21, 2022

事實上，Hugh Jackman早喺2015年就講過《Logan（盧根）》係最後一次飾演「狼人」，隨住角色喺劇中逝世，自己亦會卸下長達17年嘅「狼人」身份。但好多嘢都唔一定咁死嘅，一嚟佢話「退休」嗰陣21st Century Fox仲未被迪士尼收購，二嚟如果迪士尼搵第二個人扮「狼人」（即使係Daniel Radcliffe），Fans們應該都唔會收貨。如果「狼人」會回歸，但唔係Hugh Jackman演你又收唔收貨先？

Hugh Jackman喺2015年就講過《Logan》係最後一次裝飾「狼人」。