據烏克蘭總統辦公室發佈嘅聲明指，美國演員兼製片人Sean Penn目前正身處烏克蘭，紀錄俄羅斯入侵嘅情況。

圖片：Ukrainian Joint Forces Operation Headquarters via Facebook

據知Sean Penn早於去年11月就已經去過烏克蘭當地，紀錄俄羅斯對烏克蘭嘅威脅，仲訪問過當地記者、軍事領袖以及副總理Iryna Vereshchuk。拍攝完成後佢本來已經返咗美國，但據烏克蘭總統辦公室指，Sean Penn於俄羅斯入侵當日，即係當地時間星期四就飛返烏克蘭首都基輔，進一步紀錄事態發展。

烏克蘭總統辦工室嘅新聞稿指，「導演特意來到基輔紀錄目前烏克蘭發生嘅事，以向世界說明俄羅斯入侵我國嘅真相。我國非常感謝他展現出勇氣及真誠，而呢啲正正就係某啲西方政客所缺乏嘅。」烏克蘭總統Volodymyr Zelensky又指「越多像Sean Penn一樣支持爭取自由、烏克蘭嘅真正朋友現在處於我們的國家，就越快能夠阻止俄羅斯嘅奸詐入侵。

資料來源：Consequence