講開防水軍靴，相信大家點都會諗起法國品牌PALLADIUM，好睇得黎防水性能極佳。而1947年誕生嘅呢個品牌，今年迎來75周年，因此決定推出特別版鞋款慶祝。

今次PALLADIUM 75周年紀念，主題為「重新探索地球」，從充滿未知嘅太空飛行返回地球，喺全新嘅探索之旅中先從品牌嘅過往出發，回顧75年歲月，再次將經典重現。

作為今次75周年推出嘅特別版，以1947年第一款面世嘅 PALLABROUSSE 作為設計藍本，亦即係話呢個鞋款已經走過75年，對於呢個品牌可以話別具意義。而特別版 PALLABROUSSE 75TH 鞋款，全球限量只有1947對，而香港區將限量獲發配50對，每一對均有特定編號。

當然今次呢對特別版就唔係同75年前個對一樣啦，佢係採用更優質嘅有機帆布面料製作，鞋舌亦特別以皮革打造，鞋身參照復古軍事貼紙設計，同時加入「75 YEARS OF EXPLORATION」Logo 刺繡圖案，鞋跟位則加入紅白藍三色條紋及限量編號，去代表法國呢個品牌誕生地。