疫情肆虐，而家大家都係盡可能留喺屋企，唔好四圍去啦。咁喺屋企無得出去，咁就有最好嘅原因喺屋企打機啦！近日唔少Game相繼推出，其中就包括由FromSoftware開發嘅開放式場景動作RPG《艾爾登法環》。

今次於《艾爾登法環》當中，玩家將扮演褪色者，由逝去已久嘅賜福指引，踏上百廢待舉嘅交界地，呢一塊由《黑暗靈魂》系列作品聞名嘅遊戲製作人宮崎英高與暢銷小說《冰與火之歌》作者George R.R. Martin攜手打造而成嘅遼闊大地，長久以來守護交界地秩序及和平嘅艾爾登法環已然破碎，玩家將與過去嘅統治者及半神們對峙，了解其中錯縱複雜嘅故事，拼湊艾爾登法環並成為艾爾登之王！

相信玩家們將可以體驗到遊戲當中極高嘅自由度，並可以選擇扮演實力強大嘅騎士、敏捷嘅小偷、難以捉摸嘅射擊手，或是能力高超嘅魔法師，又或是選擇任何領域都會一點，透過不斷嘗試而找出最適合自己遊玩風格嘅角色。

在遊戲嘅廣闊地圖當中，大量武器將散落在交界地各處，玩家將可以將裝備技能安裝上，以增加並強化戰術選項；亦可召喚旅途中相遇嘅靈魂一同作戰，就算面對強大敵人時嘅不利戰況，亦都可以合力通關。遊戲內同時亦可進行兩種多人連線遊玩模式：協力模式或敵對模式。於協力模式入面，被召喚嘅玩家可合作打倒棘手嘅敵人，或是一同冒險及探索嘅旅程。

結合FromSoftware出色關卡設計及其獨特敘事手法，玩家將可透過行走或騎乘靈馬托雷特四處探索充滿驚奇而廣闊嘅地圖，當中你將可以發掘各式神秘且引人入勝嘅獨有內容。