英國政府就俄烏開戰公布新一輪制裁名單，俄羅斯油王阿巴莫域治（Roman Abramovich）受制裁被凍結資產，當中佢擁有英超球隊車路士受制裁影響最慘烈！球會雖然勉強可以繼續運作，不過官方紀念品網上同實體商店即日關閉禁止任何銷售包括主場比賽門票禁售，所有收入來源被禁，球會贊助商即時宣布中止贊助，而球員同樣被禁止買賣甚至續約不能，油王想出售球會同樣被英國政府禁止直到五月份英國政府再審視制裁令！係咩都唔做得情況下，車路士如果繼續維持現時被托管但依然在油王持有狀況下球隊聯賽積分會被扣9分！總之車路士係動彈不得，除非油王願意係英國政府同意下將車路士送出或者不如直接解散！至於點解普京入侵烏克蘭而曾經為英國球壇立下唔少戰功的世界冠軍球會車路士會落得如此下場，就需要大家不同意見討論一下！

對車路士球迷而言，班主阿巴莫域治（Roman Abramovich）肯定係世上最好的班主，自從2003年入主以來，不斷投放無限金錢，帶領球隊贏得5次英超，甚至為英格蘭球會得到2次歐洲之巔歐聯冠軍寶座，最近更贏得世界冠軍球會盃！如今車路士英超正排名第3名，同時兼具歐聯及足總盃三線作戰。係今時今日前路難行下球員的軍心會因此崩潰定還是上下一心就好難講，不過車路士領隊杜曹已經明確表示球隊上下一定會專注比賽，只要球隊有波衫、有巴士，佢哋就會繼續戰鬥下去。

假如車路士無法係夏季轉會窗開放之前出售轉手球會，球會係球員運作方面會受到影響。到時就真係逼死「車路士」！