歐盟最新通過一項草案要求所有有電池的電子產品必須有可替換電池，以利原有及往後電子產品可以延長使用時間。法案以584 票同意、67 票反對和 40 票棄權獲得通過，保守預計會在 6 月底之前陸續與各國政府協調完成。即無論電話、平板電腦、電動滑板車甚至可能電動車都需要係電池產品故障時可以拆卸更換電池去延長整個產品持續使用時間，避免不必要浪費同電子廢物？大家可睇下身邊有幾多電子產品電池係無得輕鬆拆卸要改變成一如當年舊式手提電話咁樣可換電池？

呢個法案消息來自致力於關心維修權的一個歐洲壓力團體Right to Repair Europe，根據其官網資訊指出歐盟所通過的草案內容幾乎都係圍繞著電池為主，例如有關電池基本製造、收集、回收等過程，以及生產流程出現的碳足跡，以及今日提到對消費者同電子產品設計最大直接影響的電池本身可拆卸性。可以了解到相關法案目的係係要速成減少電子垃圾，延長現有電子產品使用時間。Right to Repair Europe話目標係所有電子產品通過換電池後可以使用十年之久最好！當然法案最終仲需要通過一系列立法程序同歐盟各國的協調，但如果法案最後正式上路，往後係歐盟銷售所有電子產品將唔可以再使用整合型、不可拆卸電池作為電力提供，對好多現有的電子產品來講都係一個重大的改變。

不過歐盟立法真係好慢！如果談判進展順利，該條例可能會係2022 年獲得通過。但係“生效”日期仲好遙遠，具體措施再係各成員國成為法律的時間表仍未清楚。議會報告呼籲從 2024 年 1 月 1 日起實施電池可拆卸性措施。但最新的理事會文件建議將這些措施從生效之日起推遲 12 至 24 個月，以便為行業提供充足的時間作為適應。搞搞下可能要去到2026 年甚至之後先實際執行到。