俄羅斯繼續被西方陣營全面制裁，繼台積電停止晶片出貨打擊武器開發及AI應用等高端領域外，晶片大廠高通都宣佈已經停止供應俄羅斯，再計埋競爭對手聯發科、三星都已經加入制裁，實際上俄羅斯人已經無法再買到 Android手機及 iPhone手機，唯一可行的選擇可能就係華為及其HarmonyOS系統，所以中國又成最大贏家！

根據高通資深副總裁 Nate Tibbits係Twitter證實高通為左配合美國的制裁與法律規範，已不再向俄羅斯出售產品。高通的Snapdragon 系列的手機晶片係現時 Android 手機廣泛安裝之晶片，而其他手機晶片供應商包括聯發科、三星早前都已經加入制裁，因此基本上近乎所有 Android 手機都已經無法再供應俄羅斯市場。來自美國的蘋果產品同手機自然肯定絕跡於俄羅斯。蘋果已經宣布停止係俄羅斯銷售所有產品，唔單只係 Mac、iPad，包含 iPhone以及所有現有俄羅斯用戶App Store與Apple Pay等服務的使用都全部被制裁限制。

不過俄羅斯國內正興起蘋果產品炒賣潮，官方貨源被切斷引致黑市水貨iPhone等係俄羅斯價格逐漸失控水漲船高！之但係就算買到黑市iPhone唔可以輕鬆使用App Store其實都絕無意義！所以作為俄羅斯人最好的選擇自然係使用國產，或者轉而使用體驗可以媲美android系統的中國華為鴻蒙HarmonyOS系統！暫時華為等中國企業應該唔會放棄俄羅斯人民，至於日後全世界的人又會唔會因為中國品牌支援俄羅斯而放棄中國品牌？問題應該睇得長遠一點，戰爭如今都未夠一個月，好快可能二星期內戰爭就完結，然後現實的世界商人又回到起點，制裁好可能只係短期措施，除非唔係！