Marvel早前最新嘅電影《蜘蛛俠：不戰無歸》，相信已經帶比大家唔少驚喜，精彩程度絕對係比以往嘅Marvel電影有過之而無不及。而緊接而來即將上映嘅就會係《奇異博士2：失控多重宇宙》，相信大家都已經急不及待了，即使到時唔知戲院重開未....又或者個陣香港唔知仲有無戲院...

據Marvel最新公佈嘅《奇異博士2》電影預告，其中唔少傳聞都非常令人關注，當中又特別以由X教授、奇異博士、Iron Man、驚奇先生、黑蝠王 Black Bolt及納摩 Namor 等多位世界最聰明及富有嘅超級英雄組成嘅「光明會」最多人好奇。

而日前，飾演X教授嘅Patrick Stewart已率先證實自己會加入MCU，而另外預告入面奇異博士受審嘅一幕中，有媒體又加上「奇異博士站於光明會前」嘅描述，睇黎呢個最強大又神秘嘅組織都好大機會出現喺MCU之中。

當然啦，Marvel一貫嘅預告都唔可以盡信，佢地最鍾意玩呢啲疑幻似真嘅傳聞去帶風向，最終究竟故事係點都一定要睇正片先可以100%確認，不過大家都可以懷住期待去欣賞呢套電影啦。