過去個個都期待著5G誕生，但說時遲那時快5G手機變得成行成事，甚至已經唔係旗艦級手機專有嘅配置，你部副機亦變得可以輕易入手一部5G手機。

較早前Xiaomi推出全新旗艦機Xiaomi 12系列，而Redmi亦緊隨其後推出三款全新Note 11系列，均屬於中階機Level，其中包括Redmi Note 11 Pro+ 5G (8+256GB)、Redmi Note 11 Pro 5G (8+128GB) 及 Redmi Note 11 Pro (6+128GB)。

如果你係諗緊想要好少少嘅中階機嘅話，可以考慮Note 11 Pro+ 5G，不過如果好似我咁諗副機選擇嘅話，咁就不妨考慮只需2千幾嘅Note 11 Pro 5G。

Redmi Note 11 Pro 5G 配備後置三鏡頭，其中包括1億800萬像素嘅主鏡頭，、800萬像素超廣角鏡頭(廣角寬度達到118°)，以及200萬像素微距鏡頭。雖然表面睇象素過億好似好高，但實際上相片質素同手機價錢同等，不過如果配合AI場景辨識功能嘅話，還是可以接受的。而前置鏡頭則配備1600萬像素，簡單自拍絕對卓卓有餘。

而再睇入面最緊要嘅晶片，Redmi Note 11 Pro 5G 搭載Snapdragon 695，同時支援5G，以可提供更流暢可靠嘅性能。而雖然而家大家都好少出街，但出街往往就最怕手機無電，而Redmi Note 11 Pro 5G 配備67W快速充電，只需要 15 分鐘就可以將 5000Ah 大容量電池充至一半電量以上。

屏幕方面，Redmi Note 11 Pro 5G 配備 6.67 英吋 FHD+ AMOLED 大螢幕以及 120Hz 螢幕更新率，畫面動態表現更流暢，觸控更精確，同時喺日光下屏幕亦都有足夠亮度，唔會令你喺戶外因反光而睇唔清手機內容。另外，手機底部設有平衡式雙揚聲器，無論你係進行遊戲或觀看影片都可提供出色嘅立體聲音效，不過就千祈唔好期望有旗艦級手機嘅音質。 

最後值得留意嘅係，Redmi Note 11系列繼續搭載 MIUI 作業系統，可以下載嘅手機軟體基本上可以應付你嘅需求，但當然就難以同最多人用嘅兩款相比，不過如果你會選擇呢個系列嘅朋友話話應該就唔會太介意呢個問題。