雖然《新世紀福音戰士》劇場版最終章已經於上年播完，如果你由計動畫開播，更加已經係27年前，但依家無阻其人氣高企，聯乘不斷。最新宣佈嘅就有與Mizuno合作推出嘅運動機能系列。

Mizuno昨日於官網公開是次聯乘嘅產品，當中主要包括快乾衣、風褸、Cap帽、漁夫帽、毛巾等運動機能單品，配色方面就以初號機、貳號機及零號機為主題，Mizuno話無論係室內定室外訓練都一樣啱用，亦非常符合Mizuno嘅品牌形象。另外當然唔少得近年出外必備嘅口罩，總共有四款、每款三隻色，而且係可重用款式。

EVA X Mizuno產品由即日起至4月12日於官網接受預訂，預計8月中出貨，預訂夠5,500Yen再送滑鼠墊。另外值得一提嘅係，Mizuno官網講到明今次只係聯乘第一彈，未來仲會更多聯乘產品推出，大家可以留意下。

資料來源：Mizuno