Tesla今年第一季產能創新高交車數目再創紀錄，不過因為俄烏戰事，剛開廠無耐德國柏林超級工廠陷入可能停工危機當中。同全德國一樣Tesla超級工廠原來60%能源都係靠天然氣，假如停止俄羅斯天然氣入口，工廠就會被迫停工。原來唔止Tesla大多數德國車廠及不同工業都遇到同樣情況，一句講哂德國能源無法自主非常依賴俄羅斯，所以德國人開戰至今低調到讓人搖頭歎息，廣東話中有一句俗語『比人鏈住春袋』！到底elon musk同德國人會如何應對？暫時係外國人無法相像到！

Tesla近來喜事連連股價上升，2022 年第一季產能達到305,407架車，比去年同期增加 69%，只比上年第四季創下的歷史最高記錄 305,840 輛少左 400架。上季高產能帶領高交車數目，呢一季交車數推到歷史新高310,048架，其中14,724架Model S/X。本來隨著德國柏林超級工廠開工新一季預計能夠繼續推高產能，可惜遇上中國內地疫情封城上海超級工廠先受其害，令本季產能恐受打擊。然後隨著俄羅斯入侵烏克蘭，新問題又出現！德國政府考慮咗好耐話要禁止俄國天然氣進口，呢下「七傷拳」出擊一旦實行禁令，德國全國能源勒緊褲頭，Tesla德國超級工廠可能會被迫停工， 因為呢座超級工廠能源上有六成依賴靠天然氣供應！

暫時嚟睇第二季Tesla產能好可能無法保持增長，甚至好大機會大跌。當然絕對不能睇小Elon Musk，可能佢可以諗到萬全之策解決難題，搖身一變做埋能源大亨都唔奇！