幾時都話做人一定要通氣啲，就好似KEEN嘅鞋款一樣，唔使咩都焗住晒呀麻。而近日，KEEN就推出全新CANVAS系列，將經典鞋款 UNEEK 受 NEWPORT 換上全新帆布新裝，與以往嘅尼龍及麂皮材質大相徑庭，令人驚喜。

UNEEK CANVAS

人氣鞋款UNEEK由2條鞋繩及1個鞋底製成，設計獨特，係唔少潮人必備嘅鞋款之一。而鞋繩更會隨著用家嘅走動步伐及腳掌形狀慢慢演變成獨一無二專屬貼合鞋型。

全新UNEEK系列嘅鞋面換上輕盈帆布材質及環保再生PET 膠，同時環保抗臭技術讓你唔使擔心夏天無情嘅高溫。顏色方面，UNEEK CANVAS 今次備有米白、深藍、橄欖綠及扎染配色選擇，其帆布材質營造出更隨性嘅感覺，日系文青氣質全面爆發。

NEWPORT CANVAS

NEWPORT作為經典水陸兩用涼鞋系列，採用品牌專利護趾鞋頭，具有涼鞋嘅透氣性同時提供充足支撐及保護性，係好多戶外愛好者必備嘅鞋款之一。鞋面為可水洗帆布，配搭快乾內襯，讓你輕鬆穿梭水陸之間，而外底嘅紋路提供超強抓地力。NEWPORT CANVAS 系列備有米白、深藍兩款配色，呈現麻布質感及型格山系格調。

而今次嘅帆布材質，令NEWPORT系列添上休閒氣息，令NEWPORT系列唔再單係戶外機能嘅鞋款，就算係休閒外出都係絕住選擇。