人氣大作《Elden Ring》以高難度著稱，唔少機迷都會喺網上分享心得及攻略，幫助新加入嘅朋友快速上手。不過，最近Steam嘅遊戲討論區就出現一篇超人氣另類攻略，內容唔係教你點樣刷錢盡快升lv或者拎神級武器，而係一堆「腳圖」！

有用開Steam嘅朋友應該都知道，Steam除咗係一個遊戲平台，同時亦係一個討論區，玩家們可以喺上面發文討論遊戲、分享攻略指南、有趣截圖影片等等。最近有位叫「Mister B」嘅玩家就喺Steam上傳咗一篇名為《The Many Feet of The Lands Between》嘅攻略指南，入面有70多張唔同角色嘅腳部截圖，除咗菈妮(Ranni)及菲雅(Fia)等女角，就連NPC甚至怪物嘅腳都唔放過，並獲得800多名玩家大讚成為5星級人氣指南。

作者亦表示目前仍不斷更新當中，如果有任何遺漏嘅腳歡迎大家補充，佢將會派出專業攝影師去影相。