香港電影導演會今日透過Facebook公布得獎名單，同時感謝疫情底下繼續堅守崗位嘅電影人。由已故導演陳木勝執導嘅《怒火》奪得「最佳電影」及「最佳導演」兩項殊榮成為今屆大贏家。現年85歲嘅謝賢就憑《殺出個黃昏》稱帝，同時係該獎項歷年來嚟最年長嘅得獎者，而影后則由《智齒》劉雅瑟套得。

《手捲煙》導演陳健朗

王丹妮於《梅艷芳》飾演梅姐

另外，身兼導及演員嘅陳健朗憑《手捲煙》奪得「新晉導演」，喺《梅艷芳》扮演梅姐嘅王丹妮就獲「最佳新演員獎」，至於《濁水漂流》則獲「執委會特別獎」，而今年「榮譽大獎」就由杜琪峯導演奪得。

「香港電影導演會年度大獎」創辦於2006年，各獎項由香港電影導演會全體會員以一人一票方式選出，由於大部份導演會會員都係「香港電影金像獎」選民或評審，所以該獎又被視為金像獎嘅前哨戰。