講返份工係英國南極遺產信託基金 (UKAHT) 發佈，想尋找當地夏季季度工人協助管理洛克羅伊港唯一的郵局和博物館。而係當地工作仲有一件必要的工作就係長期盤點數住當地企鵝的數目！工作地點原本係英國係南極冰川大陸上第一個永久基地，由1944年到1962年都一直有英軍活躍駐守。2006年開始UKAHT接管左當地營運，並將該地點改造成一間郵局和一個博物館，自此成為遊客其中一個南極旅遊點。2020年起由於疫情所以2021-2022旅遊季度一直處於關閉狀態。今年係該基地兩年來首次向公眾重新開放，亦因此而需要重新請人。

UKAHT如今尋找緊Port Lockroy基地負責人一職，據說呢個係一個鼓舞人心、強大和堅定的團隊經理的職位，受聘人將花費長達五個月（11 月至 3 月）時間負責管理一個由 4-5 人組成的團隊，他們將生活和工作於洛克羅伊港負責該站點的季節性運營，組織旗下有一間博物館兼禮品店和一間英國南極領地世界最偏遠郵局，並要負責監督歷史建築和文物的年度維護同保養、助數企鵝等野生動物觀察“以及好多其他多樣化和具有挑戰性的任務”。除左負責人，其實大家仲可以申請做無咁高要求的店長和一般助理職位。

想離開煩囂大都會，不妨申請去南極工作體驗生活，當然你要自覺自己可以活在南極，有呢份去到最偏遠的決心。其實人生有五個月時間係南極工作，實在係一件美事同不五多得的工作經歷。