{ SKIP }
文:MenClub 魏文青  
POSTED ON 14 Apr 2022

日本漫畫家比村奇石於2015起於Twitter上每調發佈一張上圍豐滿嘅少女插畫,為各位「社畜」打打氣,結果因為反應非常好,結果相繼動畫化及單行本化。日前推出單行本第四集時,出版商講談社為咗宣傳,就喺當日嘅《日本產經新聞》報紙上落咗個全版廣告,點知就惹來衛道之士批評物代女性諸如此類。

講談社落嘅全版廣告其實非常簡單,就係一個著住校服嘅女主角「I醬」,加上作品名、宣傳字眼、以及一句「今週都會變成美好的一週吧」,甚至因為甫士嘅關係,其實都唔係好睇到「I醬」嘅身材有幾好。但有部份人睇到呢個廣告就覺得好有問題,於Twitter指《星期一的豐滿》係一部「以色情眼光看待女性嘅漫畫」,質問「點解要登呢種藐視女權嘅廣告」、「變相鼓勵視姦」等。而《星》嘅Fans們當然亦奮起反擊,話男偶像出演嘅《裸之少年》嘅廣告乃係真人裸上身,但冇人覺得有問題,《星》就被人鬧,好明顯係雙重標準;亦有人認為投訴嘅人唔係針對《星》本身,只係睇唔順眼「御宅族鍾意嘅嘢竟然能夠光明正大登上報紙」。

當大家以為呢場係一場「男女之戰」嘅時候,網民「いっちゃん (@1chan_nobit)」就委託市場調查公司做咗個小型問卷調查,訪問咗100名15-29歲日本女性對於《星》個全版廣告嘅睇法,結果發現不論係「10代」定「20代」女性,都有八成認為個廣告冇咩問題,表示覺得有問題嘅女性可能只係少數。雖然規模太少而且只針對年輕族群,令呢個調查冇咩代表性,但就依然引起另一陣熱話。有網民就留言指「果然係人越少就越大聲」,亦有人建議「無視嗰兩成就好」。

Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025
Amazon及MGM早前從Eon Productions手上買下《James Bond》系列創作權之後,唔少人都擔心呢個代表英國嘅著名IP會被為利是圖嘅大企業玩爛,又或者被強行「覺醒」,特別係Amazon早前推出嘅《Power of Rings》更可謂前車 ...
hobby
【影視】Amazon指新James Bond仍是英藉、男性 Idris Elba接任有望?
17 Mar 2025