{ SKIP }
文:MenClub 摯樂  圖:互聯網
POSTED ON 04 May 2022
【百密一疏 】俄軍偷走烏克蘭拖拉機等運送千里驚詫原來可被遙距鎖車根本用唔到

俄羅斯入侵烏克蘭連帶大量偷竊事件搜刮民脂民膏,尤其係烏克蘭農夫的拖拉機架架名牌又新又有力,除左可以拖坦克用來調理農務更屬一流工具,所以俄羅斯軍隊係烏克蘭偷走價值近 500 萬美元(即港幣 3,900 萬元)的農業用機器包括收割機、拖拉機以及播種機等等,最近俄軍就係俄佔領地區梅利托波爾偷左27部拖拉機等裝置,但無為意原來架架都裝哂GPS追蹤定位,烏方農民睇住裝備運去 1100 公里外車臣的 Zakhan Yurt 村,然後就出手遙距鎖車,俄軍始料不及原來所有農業用車都可以遙距控制全部鎖車,俄方大老遠運送完根本用唔到,不過俄國作為大國已經好努力搵IT部門破解保護程式:最終用唔到就係老貓燒鬚百密一疏 !


拖拉機盜竊事件發生係烏克蘭被佔領城市梅利托波爾,根據俄羅斯國防部指出該地區自2022年2月26日就被俄羅斯軍隊佔領完全控制。據報俄羅斯軍隊最初先偷走兩部收割機、一部拖拉機以及一部播種機,然後幾星期後再接連運走其餘全部的 27 部裝置。可惜今次遇上科技難題,正所謂防盜精英賊匪剋星原來烏克蘭新型農夫用具車輛全部都有最新GPS裝置,一路追蹤就發覺一部份被運到附近村莊,但其他大多數就運去1100公里外車臣的 Zakhan Yurt 村。


烏古蘭農夫都唔係坐以待斃,一路睇住追逐被盜版物品下落,睇到佢地終於停落運抵車臣時就利用遙距控制將車輛裝備鎖死同進行防盜自毀,俄方發覺根本就無法啟動所有裝置!千里紹紹運道農業用車結 果無一架用得著,唔知俄羅斯軍隊會唔會返去搵烏克蘭農夫退貨尋仇?將被盜農車銷車自毀又算唔算公民抗命??



曾經在2000年代紅極一時嘅美劇《Prison Break》,最近正式確定推出重啟版劇集!保留原作世界觀,但由新角色講述全新故事,唔知可唔可以延續經典呢? 據外媒《Variety》報導,迪士尼旗下串流平台Hulu已獲准 ...
hobby
【影視】經典美劇《Prison Break》確定重啟 相同世界觀但全新角色與故事
21 Oct 2025
迪士尼最新科幻大作《Tron:Ares(創戰紀:戰神降臨)》壞消息不斷,繼開畫成績遜預期、第二周票房暴跌後。最近有分析指,電影製作成本比先前估計嘅1.7億美元更高,計埋宣傳發行等費用,估計迪士尼最終要蝕1.327億美 ...
hobby
【影視】《創戰紀:戰神降臨》票房慘淡 分析指迪士尼料蝕1.32億美元
21 Oct 2025