【解禁】Elon Musk話封鎖特朗普係錯誤，收購Twitter交易完成後就會撤銷禁令

Elon Musk斥資 440 億美元收購 Twitter之後，勢將其改造成心目中享有言論自由的網路平台，而第一件大事可能就係解封美國前總統特朗普！至於會唔會高調邀請特朗普回歸Twitter 已成為美國熱門話題。早前特朗普講過唔會再返Twitter發言，因為佢已擁有自己的社交平台TRUTH Social。

Twitter成功被收購會有咩新發展係大家議論紛紛之事，而作為推崇自由言論的Elon Musk係近日一場金融時報座談活動上提到到「永久停權情況屬於非常罕見，只會係針對電腦帳號、詐騙帳號、垃圾訊息帳號等」，佢明言講到認為封鎖特朗普係不正確的。

馬斯克更表示如果完成收購暫時接任CEO的話「我將會撤銷對特朗普永久禁令」，不過佢又搞鬼指出現時「我仲未擁有 Twitter，所以呢個唔係肯定發生的事，萬一最後我無成功收購 Twitter點算？」

特朗普上年年初被Twitter甚至幾乎所有美國主流媒體永久停權，原因係因為其個人言論同背負激發國會山莊暴力衝突「黑鑊」。其Twitter帳戶一度有超過8000萬追隨者。未來當Twitter易手後，特朗普帳戶終於有望重建天日！